Wednesday, July 28, 2010

ليش...!

تيمعت الشله كالعاده و بطلنا موضوع كان مضايق العسره وايد ... فقترحنا نقولكم اياه و نبي نسمع رايكم بصراحه
العسره: تصدقون وايد متضايقه بالدوام... اللي قاعد يمّي بالبارتيشن متزوج و معيّل و مرته دايما اتدق عليه علشان تبي منه شي .. يا يدليها .. يا تبي اغراض حق البيت... يا تسأله شتبي ع الغدا.... و مرات وايد اتدق تسأل عنه ..... و هو يكلمها بصوت وايد مسموع " هااااا شتبين" .." و الله فاضيه"... ما عندي فلوس ... يوم بنزره .. يوم منفّس... ... بس كل يوم يصكّه منها و يقول " افففففففففففففففففففففففففف"
النسره: قطيعه... صج ما يستحي على ويهه...تلقينها لايعه جبدها من مسؤوليات البيت و صيحه اليهّال و تشيل التليفون عليه علشان اتحسسه انه مهم.... و تلقينه مطلعها من دوامها عشان تندثر... ماكو فايده الرياييل ما يخافون الله بهالحريم
العسره: نسره... مو هذا الموضوع اللي يضايق....اللي يضايق يصكه منها و اكو واحده قاعده بالبارتشن اللي يمه....كل يوم طايحينله سوالف و ضحك .. و اهيا اتميع عليه و اهوا يكلمها بكل ادب و النفس حلوه... و مرات يطقون على بعض البارتشن هو يطق و اهي اتطق معاه و يضحكون
النسره: يا ماااال الضربه حتى يا مااال الضربه.... و الله ما تستحي و هي تسمع و تدري ان الريّال متزوج و عنده عيااااال ..... سمّام
المشتطه: وييييييي تلقينها ما يحلالها السوالف الا عقب نزره المره ويع عليهااااا

العسره: و لا تشوفينه .... شي ما يسر نظرج

اتهقون منو غلطته؟ ليش الريال يحلى بعينه اي مره غير مرته؟ و يعطيها كل اللي المفروض يعطيه مرته؟ و ليش البنات يتنقّزون حق الريال و تدري انه متزوج؟ لو يوم تزوجت او اهيا متزوجه ترضي وحده تنط على ريلها؟ و اهوا يرضى لو مرته تشتغل يتحرش فيها واحد و يكلمها مثل ما يكلم هالسعلوه؟
نبي ارائكم بصراحه بليز
bye xoxo

14 comments:

  1. صراحة ما ألومه
    و ما ألوم زوجته
    و ما الوم زميلته في العمل

    هذي الدنيا الواحد يمل من اللي عنده , ما نقدر نغير هالشي و متقبلينه

    :P

    this is an article i wrote that might explain this subject

    http://www.ma6goog.com/2009/03/blog-post_23.html

    ReplyDelete
  2. شوفي عزيزتي أنا عندي قناعه تامه أن ماكو رجل يتميلح و يستخف طينته الا أذا شاف الضوء الأخضر من الصوب الثاني..يعني العله فينا أحنا يا الحريم..بنات أبليسوايد صاوا أكثر من بنات الحلال..فأنا ما ألومه..ألوم اللي معطيته ويه..

    ReplyDelete
  3. و الله حرام و عيب مهما كان بينه و بين زوجته مايتكلم معاها بهالطريقه و خاصه أذا في دوامه و الاخ يعلي صوته يعني يسمع اللي يمه .. و الله العالم في البيت منو اللي يكفخ الثاني ههههه
    و أتفق مع تعليق
    nanonano
    ما يتجرأ يسوي هالحركات الا الاخت معطيته ضوء أخضر اللي ماتستحي تعرف انه متزوج ليش تسوي هالمصخره معاه

    تحياتي

    ReplyDelete
  4. ما يمكن بارتشن فاضي؟

    ReplyDelete
  5. انا من رايي يمنعون الاختلاط في الاقسام، يعني الحريم بقسم و الرياييل بقسم ثاني. وبعد ين عيب على الريال يكلم زوجته بهذي الطريقه جدام الناس انا اقط اللوم كله على الريال لأنه ما يعرف يتصرف المفروض ياخذ زوجته على قد عقلها.
    و اللي تسولف معاه بالدوام هذي قليلت أدب
    هذا رأيي

    ReplyDelete
  6. ma6goog:
    يا هلا يا هلا بطاخ طيخ
    حياك الله ...
    ليييييش!!! ما تلوم احد!!!! من صجك
    i loved your article ...so realistic
    بس انا برايي لو الريّال و مرته حطو ايدهم بيد بعض راح يخلون حياتهم احلى... انا الوم الريال و المره و المنقوزه... لان و لا واحد حاول يصلح الوضع .. ما ابي اظلم يمكن الزوجه حاولت بس لقت طوفه جدامها
    شكرا ع التعليق الجميل و المقال الاجمل

    ReplyDelete
  7. جميلتنا نانونانو
    طبعا ماكو احد يتيرّع مني و الطريج... بس اتهقين احنا المشكله؟ مو الريال اللي ما يترس عينه التراب؟ المشكله نانو انهم ما يفهمون ان الريال لي احترم مرته و صار ثقيل يكبر بعين كل الحريم... مو؟
    شكرا ع التعليق حبييبتي

    ReplyDelete
  8. maram:
    اهلا اهلا باحلى مرام
    شييييييييييييييي وايد يحر و يحمس الجبد...ويع عليه مو فاهم ان قيمته من قيمه مرته. و هاهاهاهاهاها بالضبط منو اللي يكفخ الثاني بالبيت :)
    شكرا ع التعليق حبييبتي

    ReplyDelete
  9. blog 3amty:
    يمّا منها العمه يمّاااا حاطا عينها بكل مكان! هاهاهاهاها شدراها ان البارتشن فاضي!!!

    ReplyDelete
  10. Happy Face:
    حيّاج الله سعيده بمرورج ابمدونتي و ان شالله استمتعتي بالسوالف
    اختلف معاج بمنع الاختلاط لان اللي بيسوي شي غلط لو اتقطينا بصحراء بروحه بيغلط .... اما الزوج مثل ما قلت عيب عليه يكلم ام عياله بهالطريقه بس شتقولين.
    و ليش ياخذ زوجته على قد عقلها مسكينه ما سوت شي :(
    و المنقوزه بالضبط مثل ما تفضلتي قليله ادب..
    شكرا ع التعليق حبييبتي

    ReplyDelete
  11. المشكله في الاثنين الريال الخفيف والمراه قليله الادب الي تحاجي هالريال
    حلات الريال يكون ثقييل مع هالحريم بس اذا صادفت بنت حلوة(وهذي نادر ماتحصل) يقلب خفيف مو مشكله
    :)

    ReplyDelete
  12. هههههههههه
    blogwalking..
    مساء الانوار
    اصابع اليد مو زي بعض
    والتعميم هنا ما يجوز
    عموما القضية هذي لا ترتبط برجل او امرأة
    اعتقد جازما انها قضية دين وتربية وثقافة مجتمع والله اعلم
    سررت بمروري.. كونوا في خيييررر

    ReplyDelete
  13. Anonymous:
    اهلا و سهلا بالمرور الحلو و التعليق الاحلى..... هاهاهاها عاد ليش نادر تكون البنت حلوه يا حافظ
    !!!
    شكرا ع التعليق

    ReplyDelete
  14. gmr 14
    يا هلا فيج حبيبتي
    keep walking ;)
    اتفق معاج 100% شكرا ع المرور الجميل و التعليق الاجمل

    ReplyDelete