خلصنا اشغالنا و تيمعنا مثل العاده
الحنّه: هااااااي بنات
الشله: ياااا هلا ياااا هلا... الللللللللللللللللله شكلج ايعقد من وين يايه
الحنّه: سكتوا سكتوا ... مفّوره حدي و نفسيتي حالتها حاله
العسره: اكييييد الواحد يفور من هالحر اللي بره انطبخت روسنا
الحنّه: توني راده من بيت عم ابوي و الكل موجود .. كل ما وحده عيوز مشوربه طلت ابويهي قالتلي غميضه عليج و ين الريايل ما يشوفون... و الثانبه اتقول لالالالا انتي مو شاطره .... عيل **** الشيفه يابت الريل و انتي لمّا الحين عند ابوج يا بعد قلبي قلبه شقيان فيكم ما طلعتي على امج يو....!!!! @@0
النسره: شوفي هذا مجتمعج الحلو... ... مو متزوجه اطحنوا على راسج لما اتزوجين... تزوجتي طحنوا على راسج " ما حملتي"... حملتي اطحنو على راسج " بنت و الا ولد... و متى تولدين"... يبتي بنت اطحنو على راسج "ها متى الولد"... لما تكودين بهالعيال و ينحاش الريل ذيك الساعه يطخون عنج
العسره: صااااااجه يعسرووون.... و يحطون عليج ضغوطا.....0
الفاصله: مع السلامه
وسط ذهول الكل....0
الشكاكه: احد يروح ايشوفها اكيد ريلها طايحله على وحده هذي حامل مو زين لها الزعل
الشله طلعت وراها و الاّ الفاصله مشغله السياره و قاعده... فتحنا الباب عليها مخترعين..." فيج شييييييي"......0
الفاصله بكل برود: شفيكم.... قاعده احرر السياره.......!0
الشله: بهالحرررررررررررررر
bye xoxo
لوووووول
ReplyDeleteضحكتوني.. بس وايد من هالحجي صج و يعكس واقع مجتمعنا للأسف
قواكم الله .. خوش مدونة
Hope
ReplyDeleteتشرفت ابمرورك و شكرا على التعليق :)
ضحكتيني
ReplyDeleteعلى فكرة حتى الشباب يحوشهم طشار من الحنة
متى تتزوج...شوووووف بنت افلانه اشزينها ... اتلاقون الام اتحب الام فتشوف البنت سنعه وهي حدث بلا حرج
ومثل ما تفضلتو بعد الزواج
مجتمع اييب الحارج مو؟
Scorpion:
ReplyDeleteاهلا اهلا ... اسعدني المرور.. المجتمع اييب حد الحارج... و على طاري الشباب.. ما يحوشهم ربع البنات .. ع الاقل البنت تنطر في بيت اهلها و الريال متى ما يبي يتزوج يعزم و يتزوج :) مو؟
لا يوبا منقال الشاب يعزم ويتزوج على طول..... حد اللويا تعال دور وحده على ذوقك.. واصلا انته ظايع ما تدري شنو تبي(حلو ولا كووول ولا بنت خرده.. ولا فري ولا ولا )... وإذا رقعت إبعمرك ولقيت وحده بالموت اعجبتك تعال الحين فلم ثاني خال تعجب امك وخواتك... وبعدين فليم ثالت تعال انت اعجب اهالها.. فلم رابك تعال انت اعجب البنت ....فلم خامس تعال اقعد معاها.. لازم اتيوزون حق بعض.. اخر شىء تطلاع حادها ماليغا... ولا انت تطلاع حدك عبيط .... ومايسر نصيب وهات الفلم مرا ثانيا....
ReplyDeleteبالمصادفه شفت مدونتج وضحكني وايد البوست :) خذيتي فيني اجر
ReplyDeleteAnonymous:
ReplyDeleteهاهاهاهاهاهاها
هاهاهاهاهاها
حدك تلوق تدخل الشلّه... شكرا على التعليق الممتع
Tazmania
ReplyDeleteالحمداالله ... ان شاء الله دوم فرحانه و مستانسه ... سعيده لاني ضحّكتج عزيزتي :)