العسره: شتهقون بنسوي لو لمّا صار الغزو 1990 احنا بالعمر اللي احنا فيه الحين... شبنسوي؟1
المشتطّه: اقعد.. اقعد... و هم اقعد... و لا اطلع .. تبهذلنا برّه .. الواحد يموت بديرته ابرك... و بعدين اللي خايف من الموت ترى محد يموت اللا بيومه يالله الينّه و شهيده بعد يا بختنا
النسره: و الله لا اقعد و اطلع حرتي ابواحد واحد .. اللي راحوا منا غالين و انا مو اغلى منهم.. ابرّد قلبي و ما يبقى شي ما اقوله و اسويه.. لي الحين حرتّي بقلبي .. بس اللي برّد جبدي الكويتين يا حلوهم عيالنا و شيابنا و بناتنا و يا حلو قلوبنا و نظافتنا .. ترى ما يشيل الكويتي الا الكويتي .. و تقولون اطلع و الله على قص رقابنا انا و عيالي ما طلعت
الشكّاكه: ما ادري ما جربت كنّا بره... بس و انا بره كنت اشوف امي و ابوي شلون قلوبهم متنهنهه على الكويت ... بس اتصدقون كنت صغيره بس كان فيني روح وطنيه غريبه .. كنت وايد عنيفه يا ويل اللي اييب طاري الكويت على اللسانه اكله هاهاهاها بس لو انا بالكويت اكيد بقعد شيطلعني!1
الحنّه: و الله يا حلو الكويت و اهلها... الواحد الزم ما عليه كرامته و الواحد من غير وطن ما عنده كرامه.. بس و اللي يعافيكم جان بتردوني عشرين سنه ورا و انا بهالعمر ردوني مع ريّل يضفني و يدير باله علي ... بعد فقر و قلدمه
طالعنا الفاصله ننطرها تعلق.. العسره استعسرت و قالتلها
العسره: فاصله... بتقعدين و اللا تطلعين؟؟؟؟1
الفاصله: هَووووووو.... ليش اطلع تو الناس حتى العشا ما حطيتوه!!!1
bye xoxo
ايام كانت صعبه اتذكرها جنها امس وخصوصا اني بكيفان والمقاومه تشقح من سطح لي سطح وحديقه المهندسين(الحين صارت مالت الصم والبكم )كانت فيها اليات ودبابات عراقيه والعسكري العراقي لما يحاجي الوالد واهو بطريجه رايح يشتري خبز يقوله حجي شمطلعك من بيتكم وابوي يقوله بروح اشتري خبز يقوله العراقي الله يساعدك حجي ايييييييه مع اني كنت صغير بس اتذكر كل شي
ReplyDeleteعبدالله الكيفاني
اهلا بالكيفاني
ReplyDeleteالله لا يعيد الشر ان شالله.. شكرا على التعليق الجميل ... الحلو بالغزو ان علمنا حب الوطن :)
كلنا نتذكر الغزو على هالاساس
ReplyDeleteأزمة وعدت
أيام عصيبة
لن ننسى الغزو العراقى ..الخ
بينما تجاهلنا جانب يعور القلب كل ما نتذكرة
بخلال سبعة شهور شعب كامل نفسيتة وأفكارة وحياتة تغيرت 180درجة
قبل كنا كأى شعب عربى مسلم عادى وبسيط، بعد الغزو صرنا يهود بينهم حتى الامريكان يقولون جذى
قبل( علشان مابى أبخس بحق شعب جار لنا ) كان شقيق وأخو، بعد الغزو صرنا ألد أعداء، والمشكلة أنها عداوة بين جارين يعنى مستحيل تتغير الجغرافيا وتتبدل لتبعدنا عن بعض
قبل كنا كلنا كويتيين بعد الغزو صرنا كل شى إلا كويتيين
هاهاهاهاهاها..الفصله و بس
ReplyDeleteو أنا بعد لو يرد الزمن فيني..ما أطلع لو شنو
اي و الله تبهذلنا بره محروقه قلوبنا علي بلدنا و الناس مو مخلينا بحالنا
ReplyDeleteالله لا يعيدها من ايام و يحفظ الكويت
من كل شر
لوووووووووووووول
ReplyDeleteيا ربي هالفاصله مو صج
احبهاااااا
anonymous 2:
ReplyDeleteشكرا ع التعليق و المرور الحلو...
اكيد لن ننسى و لا راح ننسى عمرنا كله... لكن اسمحلى اعتب عليك ابكلمه.. احنا مو يهود و صدقني انت ما قصدتها و لا راح ترضى ان احد يقول عنّا يهود... احنا ناس صرنا نفتقر للامان من اقرب الناس لنا و هالشعور يخليك دايما
alert
هذا اللي تغير بس بنظل كويتيين قبل و بعد الغزو
nanonano
ReplyDeleteصباح الورد
هاهاهاهااها حدها بس و الباجي خس ... لمّا الحين مصره اني انا الفاصله :p
و عفيا عليج انت ماراح تطلعين لان اتوقع هالوقت وايد ناس بيقبون :)
maram
ReplyDeleteحبيبتي مرام
اللهم امين يحفظ الكويت و اهلها
زيوني
ReplyDeleteو اهيا تحبّج وااايد واااااااايد :*
لوووووول الفاصله انتي عجيبه
ReplyDeleteبالنسبه لسؤالج اكييييد بقعد
عسى هاليوم ما يعود و ربي يحفظ الكويت و اهلها من كل شر ياكريم
حبيبتي قلب طفله
ReplyDeleteامييين يا رب و يحفظج حق اهلج مشكوره على التعليق :* و الفاصله مو صج :)
الله لا يعيدها من أيام ..
ReplyDeletekuw-Son
ReplyDeleteاللهم امييين
شكرا ع المرور الجميل